15 49.0138 8.38624 1 0 4000 1 https://wyrta.com 300 0

Phooh phieñ ka lympung wa 23 ka Seiñ Kyntu Seiñ Raij-12 Dolloi ha Seiñ Raij Muktapur

0 Comments
Advertisement ad1

Jowai: Ka Lympung wa 23 ka Seiñ Kyntu Seiñ Raij -12 Dolloi kawa man ha ka 26 tarik uni u bnai ha Seiñ Raij Muktapur da man ko kawa phooh wa phieñ wa kawa jop, wei ya kani ka Lympung da sdang ya ka nadooh ka 25 tarik ha madan lympung wei da pynlai ya ka Lympung da u Wom Chyrmang uwa man u President ka Seiñ Kyntu Seiñ Raij–12 Dolloi kawa sdang ha i por 10:30 i step deiwa pynhær ya ka lama ka seiñ da ki manbei kiwa da heh i rta kitæ ka Chiangpot Pakyntien, ka Rmen Lakuna, ka Moline Buam, ka Bailin Syndai, katwa ya i ngooh Blai da yoh na u Willy Pohplet, President ka Seiñ Raij Muktapur, ki ktien pdiang burom da e u Rallender Pohti u waheh chnong Muktapur, ya i rwai pdiang burom da e da ki manbei Saiñ Raij Muktapur wei ha kani ka sngi da yoh leh wow wai ya u moobynna sahnaam kani ka lympung da u President ka Seiñ Kyntu Seiñ Raij-12 Dolloi deiwa emlang u President ka Seiñ Raij Muktapur wa ki dkhot waroh.

Ha kani ka sngi da pynman leh yaka pynsñiawthooh paidbah hajrong ka phang ka chongkha kynnah wei da yoh ya i klam hajrong kani ka phang da ka Emidaka Iakai na Seiñ Raij Shangpung, wa ka khana parom niam chaphang i leh niam hapoh ka chnong Muktapur na u Benediction Buam.

Advertisement ad1

Da yoh leh yei klam na u Wanki Chyrmang, President ka Seiñ Raij Jalaphet hajrong ka phang “Dustur ka Riti”, u Mario Biam hajrong ka phang “I Lai luti ka Seiñ”wa u Leki Sayo hajrong ka phang ka “Kamram kiwa wan kyrpang”.

Da pynman leh yaka yakob Quiz Competition wa pynlai da ka Seiñ Raij Nangbah.

Kamtæ ha ka sngi wa bood ha ka 26 tarik da sdang ya ka Lympung ha i por 10:30 i step kawa pynlai da u President ka seiñ wei da yoh yei ngooh Blai na u R.M. Garod Dolloi ka Elaka Nangbah. Da yoh leh yei chaad pdiang burom da ki khon khynroo khyllood ka Seiñ Raij Muktapur wa ya ki ktien pdiang burom na u Chatis Phawa uwa man u Executive Members ka KKC 12 Dolloi katwa ya ka General Report i krehaam ka seiñ da e da u Chanki Nongrum uwa man u General Secretary ka Seiñ Kyntu Seiñ Raij-12 Dolloi.

Da wan sakhi ya kani ka lympung da ki MDC, u Gillroi Tariang u MDC ka thaaiñ, u Lasky Rymbai MDC Wapung uwa man leh u Dy. CEM ka JHADC, u Lakhon Biam u MDC ka Nangbah, u S.K. Sunn MLA ka Mawphlang Constituency wa kiwi kiwi.

Ini man ko katkam i pyllait khubor u S. Sari Publicity Secretary ka Seiñ Kyntu Seiñ Raij–12 Dolloi. 

Advertisement ad1

0 Comments

Leave a Reply