Khang ka Elaka Sutnga wow Register næ yaleh LHC ya ki khloo ka Elaka

Ini toh i pyntip ya ki khon yong ka Elaka Sutnga kamjooh ki paidbah wa ka Executive Committee kawa da pynman ha ka 11 tarik uni u bnai, da pynkynmoo biang wa ya ki khloo Elaka ym ye wow man ki khloo yong ki bru samen wei da yakut wa ya ki kyndon yong ka Elaka dang neh ki hadooh katni nadooh wa da booh da u longchwa manchwa neibynta ki khon yong ka Elaka yow rep u riang, wei neibynta kiwi won kiwa emkaam yong ka Elaka.

Ka Elaka da khang ko leh wow Register næ wow leh Land Holding Certificate ha kini ki thaw wa da e pyrtuid ha wah:

1) Umthe

2)  Lum Lyndon

3)  Moo Iong

4)  Sha Pra

5) Sakwa

6) Tongsko

7) Bri Muliat

8) Khaddum

9) Umsynrem

10) Umsngad

11) Kdait

12) Umsngad Tyrko

13) Wah Shympe

14) Khloo Salang

15) Um Kboh

16) Latngiar

17) Bri Chyrmang                             

18) Khloo na chnong Sakhaiñ        

19) Khloo na Umtyra, Nongsning ter ter hadooh Lunar

20) Lum Syngket Moopad Umlado Nadang

21) Bom Masi Umsatad Pdang Tyngkong Wah Saphoh

Hawa yatoh wa i yakut yow pynneh pynsah yei thaw kiwa ka Elaka Sutnga da kdaw haneiñ, ka Elaka Sutnga dadep thoh wei pynkynmoo ko ya ka yung krehkaam yong ka JHADC, katkam ka chithi wa da em tarik 24/04/2017.

Tangwa sñiawsih wow ong wa ka yung krehkaam ka JHADC dang e LHC ko cha ki bru samen. Kamtæ da kyrpaad ya ka JHADC wow bichaar næ paitbniah chwa wow e ya kiwon kiwon ki LHC cha ki bru samen.

Kamtæ da kyrpaad ya kiwon kiwon kiwa em ya ki LHC kiwa haap hapoh kitai ki thaw wa toh u pynuiñ noh ya ki cha ka yung krehkaam ka Elaka Sutnga hapoh chi bnai lym kamtæ ka Elaka daw chim ko da kiwi won ka luti.

Chooh chooh neiliang ka yung krehkaam u Acting Dolloi da booh ko yei kyrpaad ya phi ki waheh chnong kiwa em hapoh ka Elaka Sutnga wow pyntip phi cha ki paaid wa chong chnong yong phi katkam ka chithi wa da phah cha phi.

I pyntip na u Lappideris Pala, Secretary Elaka Sutnga.