Ka Food Safety and Standards Authority of India (FSSAI) da khang ko wow thoh Oral Rehydration Salts (ORS) ha kiwon kiwon ki jait dih ki wym em chna katkam ki kyndon wa da booh da ka WHO wei yeini da leh hadien wa kawi ka Doctor kawa na Hyderabad kawa tip kam ka Dr. Sivaranjani Santosh da yaleh ko yow pyndam ya ki Company kiwa yahbakla ya ki bru deiwa thoh donhi ORS ha ki mar wa dai ki.
Ka FSSAI da ong ko wym chah wow pynemkaam yei pyrtuid ORS leh ha ki mar wa dai wei waroh kiwa dadep e bor nachwa toh kiwa da pyndam.
Ha u snem 2022, ka Dr. Sivaranjani da yaleh ko da ka PIL ha ka Telangana High Court deiwa wa ong wa em ki jait dih wa thiang wa dai da ki Company da thoh pyrtuid ki kam ki ORS hanla ym em chna ki katkam ka Formula wa da booh ka WHO yow man kam ki ORS.
Hadien wa tuklar ka High Court, ka FSSAI da pynmih hukum ko ha u April 2022 tangwa da yaleh pyrchah ki Company ya kani ka PIL heiwa da sangeh chwa yeiwa da phah ka FSSAI tangwa kattæ won da pyndam ya waroh iwa da chah u leh nachwa da kini ki Company.
Ka WHO da ong ko wa ki ORS toh u em ki 2.6g u Sodium Chloride, 1.5g u Potassium Chloride, 2.9g u Sodium Citrate wa 13.5g u Glucose ha chi litre ka um.
Discussion about this post