theme-sticky-logo-alt
theme-logo-alt
Advertisement ad1

Khang ka JSU ya ka Jio Office wa em ha Shangpung

Neiliang ka JSU, Shangpung Unit hapoh i yahkhmat u Vice-President ryngkat wa u Finance Secretary yong ka seiñ da khang ki ya ka Office ka Jio kawa em ha chnong Shangpung Moolibang.

Da khang ya kani ka Office neidaw wym biang ka Network nadooh ka 20-11-21 hadooh ynne ka sngi.

Da khang ya ka Office yong ka Jio hadien wa kiwa boon kiwa chong chnong da wan ujor ki cha ka seiñ, kamtæ ka seiñ ym yohsa ko wow khang tala noh chi syndon ya kani ka Office.

Neiliang ka seiñ da maham ko leh wa kat wym pu biang ka Network, ym chah wow wai ya kani ka Office, khamtam ha ini i por wa boon na ki khynnah skur kiwa da leh ya ka Online Class hadooh wa da dooh ki chiboon i batai na kiwa sikai man-ka-sngi khamtam ya ki khynnah wa leh Exam lyngba ka Online da dooh ki u thoh Exam.

Ha i jooh i por, ka seiñ da maham ko leh ya kiwi de ki Company wa e Mobile Network kam ka Vodafone, Airtel, BSNL wym toh wow pyndik næ pynthut ya ki Network na ki por cha ki por.

Share this:
Previous

Da ka dorbar bah khut ka AJPFTA ya kiwa ri syiar ha ri-loom Jaiñtia

Next

Lait na ka East Khasi da em hapoh 10 ngut kiwa dang chah ktah ha waroh ki District