Ka chnong Mukhaialong da khang ko ya ki bru nabaar wow psiah chapoh chnong khlem da yoh bor na ki bor chnong. Ka chnong da khang ko wow psiah nadooh ya kiwa wankreh mylla, kiwa wan laike wei kamjooh leh ki ya kiwa lai puræ na ka chnong kiwa wan nabaar jylla wa toh u e yutip cha kiwa yahkhmat chnong chwa wow poi cha chnong.
Ka bor chnong da kyrpaad joor ko leh ya ki paaid chong chnong wow yaleh ki wow chong hapoh yung wei wow ya jngai chi meter uwi ya uwi, ha kam kani ka por wa pynkrehkaam yaka Curfew waka Lockdown yow yada wei wow lait na u khñiang COVID-19.
Ka bor chnong da khang ko leh wow dai ya waroh ki jait doh hapoh chnong, lait noh ka pylleiñ. Ka bor chnong da maham ko leh yaki kari kiwa wan nabaar chnong wym chah u pynyieñ kulmar hapoh chnong.
Ka bor chnong da kyrpaad ko ya waroh wow ya krehlang wa ka bor chnong wei leh khamtam wa ka bor sorkar ha kam kani ka por wa pynkrehkaam Curfew na i daw wa ma uni u khñiang COVID-19 ha ka pyrthai waroh kawi, khnang wow lait na i maa deiwa chaniah leh ha u Blai tre kynrad.
Discussion about this post