U Cabinet Secretary wa ka MHA dei langær yaklam ki wa ki State Chief Secretary wa ki DGP wei ynne i step da pynman ya ka Video Conference.
Da chem wa da pynkrehkaam bha ya ki kyndon wa da booh ka sorkar pyrdi ha ki jylla wei ki mar wa emkaam namo ki Essential Commodities leh biang ki wei da leh yeiwa emkaam.
Da sñiawkhia leh yei liwan chnong kiwa khih mylla ha kiwa boon ki thaw ka ri wei da hukum wa ki District wa ki jylla toh u khang ki sbak ya u pood yong ki.
Da hukum ya ki jylla wa ymtoh u lai ki bru (no movement of people) na ki sarokbah wa ki sorbah wei u chah du ya ki kari kit mar donhi.
Ki heh ki bor District kam ki DM wa ki SP toh u bahkhlieh ki wow pynkrehkaam ya kani ka hukum wa da pynmih katkam ka Disaster Management Act.
Da kyntu leh wow pynbiang ya ki baam wa ki thaw sah neibynta kiwa dooh kamjooh ya kiwa khih mylla ha ki thaw kreh yong ki.
Ka sorkar pyrdi da pynmih hukum ko wow pynemkaam ya ka poisa SDRF neibynta ini neibhah wa biang poisa hi hapoh kani ka Fund ha ki jylla.
Da phah su leh ya ka nong sngi ki wakreh mylla ha ki thaw kreh yong ki heipor wa krehkaam ka Lockdown khlem ah ya ka nong sngi.
Da khang wow dawa ya ka bai yung (House Rent) na kiwa khih mylla kam ha kini ki por wei wow pynchitom ya kiwa leh pyrchah yeini.
Kiwa tyngkheiñ ya ka Lockdown namo kiwa lai wa wan heipor ka Lockdown u chah khang-kset (Quarantine) ki 14 sngi ha ki thaw wa da pynkhreh ka sorkar.
Da pynksan leh wa ki jylla toh u pynkhor bha ki ya ka Lockdown kawa 3 tayaw khnang wow lait u COVID-19 u poor.
Discussion about this post