October 8, 2021
Ka Dorbar Chnong Pammanik kawa em hapoh West Jaiñtia Hills District ha ka Wyrta wa phah da u Secretary Chnong da pyntip ki wa neidaw wa lai ki Truck wa kit mooyong lyngba u sarok chnong da pynman ya uni u warok jæd wow pra u.
Da ong leh wa uni u sarok da sih u neidaw wa lai leh ki Truck wa kit mooyong kiwa kit palat pood wei ini da wanrah ko chiboon i eh ya ki paidbah kiwa lai wa wan khamtam hawa kjut wa chitom.
Kamtæ neiliang ka Dorbar Chnong da chim ko da i rai wow maham wa lada chem ya kiwon kiwon ki kari wa kit mooyong wa lai lyngba uni u sarok daw ekti ya ki cha ka aiñ.
Da kyrpaad leh ya ki tre kari wow sñiawbhba ki u burom wei wow ya krehlang wa ka Dorbar Chnong khnang wow lait na iwon iwon i jia wa sñiawsih.
