Ka sorkar India lyngba ka Ministry of Health & Family Welfare da thoh ko cha waroh ki jylla wow khang yei e dawai kyoh dawai synrum cha ki khynnah khian kiwa hapoh ar snem kamjooh kiwa hapoh 5 snem hadein wa em ki khynnah wa yap ha Madhya Pradesh wa Rajasthan deiwa suba wa jia deiwa dih dawai khlem da phah da ki Doctor.
Da phah leh ya waroh ki chnat i chait i khiah wow chimkhia ki yeini deiwa pyntip yeini cha waroh ki Dispensary sorkar, ki PHC, CHC, District Hospital wa kiwi ki thaw sumaar.
Neiliang ka Directorate Genral of Health Services, ka Dr. Sunita Sharma da ong ko wa kini ki jait dawai ymtoh wow e cha ki khynnah wa hapoh 5 snem neibhah i kyoh toh iwa ye u chait khlem da dih dawai leh wei lada e dawai toh u man deiwa paitbniah ki Doctor ki wow ong hadooh katwon wa hoi u dih.
Da ong ko leh wa i pynbiang yei dih um wei thiah toh iwa nyngnong wa hap u leh lada yoh kyoh yoh synrum.
Kam wow kdaw heini wa da em ki ar ngut ki khynnah uwi uwa ar snem wa uwa san snem kiwa da yap hadien wa dih yei dawai Dextromethorphan Hydrobromide Syrup IP 13.5 mg/5 ml iwa da pynman ya ka sorkar wow phah pynman takit.
Ini i dawai Dextromethorphan (DXM) toh iwa suk bha wow thied na ki Pharmacy tangwa manda dih yeini da em i syuiñ, i prai wei soohkpoh wei ym jooh em e yeini i dawai cha ki khynnah khian. Wei ini i dawai wa dih kini ki khynnah wa yap toh iwa chna da ka Company kawa na Jaipur, Rajsthan.
Ha Madhya Pradesh won da em 9 ngut ki khynnah wa yap hadien wa dih dawai kyoh iwa da yah chei sih u Kidney ki.
Discussion about this post