Ynne ka sngi u Chief Secretary ka Telangana, u Somesh Kumar da pynmih u ya ka hukum wow khang yei dai wei thang bomkala heipor ka lehniam Thang-charak namo Diwali.
Ya kani ka hukum da pynmih hadien i rai ka Telangana High Court ynnin wow phah ya ka sorkar Telangana wow khang yei dai wei thang bomkala deiwa hukum leh wa waroh ki dukan dai bomkala toh u man ki kiwa khang hapoh ka jylla.
Kani ka rai man ko katkam ka mukotduma wa ujor da u muktiar, Indra Prakash uwa da kam wa i thang bomkala ktah i yei khooid ka la’ær wei katwa kamtæ daw ktah i ya ki bru kiwa chah ktah ha u COVID-19 neibhah daw chem chitom ki wow riñ mynsien.
Kam wow pynkynmoo heini, ka yung bichaar wa khlieh dooh ka ri, ka Supreme Court leh da pynksan ko ya i rai ka Kolkata High Court wow khang yei thang bomkala hapoh ka jylla West Bengal.
