Ka seiñ Kyrsulang kawa man kawi na ki seiñ kreh monsñiawbha, ynnin ka sngi hapoh ka i yahkhmat u President u Teihokmi Suchiang da e yarap ko da ki tin noh-jhep cha ka dong Radep, Mooshrot, West Jaiñtia Hills.
Ha ini i e yarap da emlang ki dkhot ka seiñ wei da kyntu ki ya ki paidbah wow sumaar wei wow pynemkaam ya kini ki tin deiwa noh ya ki jhep wa ki Plastic ha ki.
Chooh chooh da kyntu ko ya ki tre chnong wymtoh u pynjæd ya kini ki tin neibhah dei krehlang daw ye u pynman ya ka chnong kawa khooid.
Heiyatoh wa ini, neiliang u Waheh Chnong wa u Secretary chnong da e mynsien ki ya ka seiñ wow pteiñ ya ki kaam yong ka neibynta i bha i miat ka chnong ka thaw wa ka imlang sahlang.