Khang ka sorkar wow kamai kari hapoh ka jylla Meghalaya

Shillong: Kam chibynta wow yada nei poor u khñiang COVID-19 hapoh ka jylla Meghalaya, wei wow poi cha kani ka thong, u Commissioner & Secretary ka sorkar jylla, Transport Department da ong u wa emkaam wow pynduna yei pynemkaam yaki kari kamai (Public Transport) hapoh ka jylla kamjooh leh kitu kiwa lai cha kiwi ki jylla (Inter-State).

Kamtæ ynne da pynmih hukum wa ym chah yei lait luti ki Inter-state Bus wa Tourist Taxis wei kiwon kiwon ki kari kamai wym toh u lai ki na kawi ka District cha kawi nadooh ki Bus, Maxi Cabs, Tourist Taxis nadooh ka 23^rd March, 2020 hadooh 31^st March, 2020 wei ka yung krehkaam ki District Transport Officers yong waroh ki District toh u pyntikna ki ya ini.

Neibynta i kamai hapoh ki District, ha East Khasi Hills, West Jaiñtia Hills wa West Garo Hills da pynmih hukum wa du 25% ki Local Taxi (Four Wheelers & Three Wheelers) hapoh ka East Khasi Hills, West Jaintia Hills, West Garo Hills Districts u chah u kamai ki haka Monday 23^rd March, 2020 wa haka Thursday 26^th March, 2020.

Heiyatoh wa ini, haka Monday 23^rd March 2020 ha West Jaiñtia Hills du ki kari Local Taxi/Auto Rickshaw wa sdang da u number ML04B u chah wow kamai ki. Haka Thursday 26^th March, 2020 du kiwa em number wa sdang da u ML04C wa ML04D u chah u kamai ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ym chah leh yaki Tourist Taxi wow kamai ki kam ki Local Taxi wei toh u em ki ha ki jar jiar ki Stand yong ki hi. Ya kiwa leh pyrchah daw pynchitom.

Chooh chooh u Commissioner & Secretary to the Government of Meghalaya, Transport Department da phah u ya waroh ki Local Taxi, Auto Rickshaw ha waroh ki District wym toh u kamai ki haka Tuesday 24^th March, 2020, Wednesday 25^th March, 2020, Friday 27^th March, 2020, Saturday 28^th March, 2020 waka Sunday 29^th March, 2020.

Lada emkaam won yaka Special Permission neibynta ki Medical Emergencies ye u yoh na ki jar jiar ki District Transport Officers, da pyntip chooh chooh u Commissioner & Secretary.

Da phah leh wa ha ki sngi wa chah u kamai, waroh ki Local Taxi, Auto Rickshaw toh u pynchong ki jngai uwi na uwi u bru wa kit ki yow bood yaka Social Distancing wei ym toh u yabi uwi wa chong wa uwi.

Waroh ki District Transport Officers da phah yaki wow pyntikna ki wa bood ya kani ka hukum, ong u Commissioner & Secretary to the Government of Meghalaya, Transport Department.

Update from the Chief Minster’s Office:

For confusion on taxis plying only 25%. Here’s the arrangement/agreement between the DTO and Taxi Association: 25% of ODD NOS will ply tomorrow and 25% of EVEN NOS will ply on Thursday.