U District Magistrate ka East Khasi Hills da pyntip u wa neidaw wa chah khang luti ki Truck wa kit moochuni nadooh na Umbud cha u sarok Zero Point yow poi cha Majai LCS da kiwa chong chnong ka Majai hadooh wa kiwa chalan moochuni da rai ki wow sangeh yei pynlai kari kat wym pu ye u poi chei yasuk hapyrdi ka Dorbar Chnong Majai wa u Syiem ka Sohra.
Neiliang u District Magistrate da ong u wa em leh i khrong poisa pyrchah aiñ da u Syiem ka Sohra na ki Truck wa lai luti na Majai Land Custom Station deiwa chim Rs. 400 kawi ka Truck iwa ye u wanrah chei kulmar.
Da ong u leh wa ka sorkar da yieñ skem ko yow khang yei em kiwon kiwon ki Toll/Check Gate wa pyrchah aiñ kiwa khrong poisa na ki kari wa lai lyngba ki National Highway, ki State Highway wa ki sarok District wa em hapoh ka District neibhah ini i khrong poisa da wanrah ko leh yei thut i lai i wan wei daw poi leh chei jia ya tyrrah kari wa i mynsoo.
Kamtæ da pynkrehkaam da ka Section 144 CrPC yow khang yei khrong dan da kiwon kiwon ki Check Gate/Toll Gate kamjooh da iwon iwon i rukom iwa pynthut yei lai i wan ki kari ha waroh ki sarok National Highway, State Highway wa ki sarok heh ka District wa em hapoh East Khasi Hills.
Ya kiwa leh pyrchah daw pnychitom ki katkam ka aiñ.
Discussion about this post