Khang ka Supreme Court ya kiwon kiwon ki jait tih mar pohkhyndaw hapoh 1 Km na ki Wildlife Sanctuary

Ka Supreme Court ka ri India ha kani ka kynti da chim ko ya ka rai wa sahteiñ da slem heiyatoh wa i kaam tih mar-pohkhyndaw (Mining) najan ki National Park wa Wildlife Sanctuary, wei ya ini da chim rai ha ka 13 tarik uni u bnai.

Ka yung bichaar wa hakhlieh dooh ka ri da khang ko ya waroh ki jait Mining hapoh chi Kilometer na talawiar (Radius) ki National Park wa ki Wildlife Sanctuary ha waroh kawi ka ri deiwa kdaw wa daw ktah ko ya ka ramaw wa ki mrad wa im heitæ. 

Ka miej bichaar (Bench) wa kynthup ya u Chief Justice of India, u BR Gavai wa u Justice K. Vinod Chandran da bichaar ki heiyatoh wa ka pynbna Notification yong ka Saranda Wildlife Sanctuary (SWL) wa Sasangdaburu Conservation Reserve (SCR) ha Jharkhand heiwa da yieñ slem ko wa kiwon kiwon ki kaam karkhana hajan ki thaw wa toh u yada (Protected Area) booh ko hei maa ya ki. 

Chooh chooh ka Bench da ong ko wa ki kaam tih mar pohkhyndaw hapoh chi Kilometer na ki thaw wa yada ktah i ya ki mrad wa im heitæ deiwa kdaw leh wa ki hukum wa pynmih ka Court ha ka 23-04-23 heiyatoh wa ka Goa Foundation wa ong wa toh u jngai chi Kilometer na ki thaw wa yada wei kani ka jooh u krehkaam hi ko ha waroh kawi ka ri.

Ka Court da klam che ko leh wa i tih mar pohkhyndaw na ki National Park, Wildlife Sanctuary wa hapoh chi Kilometer na u pood kini ki thaw ym ye u pdiang la man katwa man leh. 

Related posts

Hei lai kynreh ya ki dkhot ka KSU poi ki Tear Gas cha ki yung ki bru | Chrai kiwa chong chnong

August 19, 2026

Dei pdung ki Tear Gas wei lakam ka madan thma ka Jaïaw hei lai kem ki pulit ya ki heh ka KSU

August 19, 2026

Da hukum leh ya ka sorkar Jharkhand wow pynbna ya ki pood ki Wildlife Sanctuary deiwa ban wa i hok ki jaitbru ri-loom wa ki jaitbru wa wa sah ha khloo u yada ya ki katkam ki kyndon ka Forest Rights Act yeiwa ka sorkar hap pynche paidbah bha ko.

Kani ka mukotduma toh kawa da sahkut da slem heiyatoh wa ki khloo ka Saranda wa Sasangdaburu ha West Singhbhum District neibhah wa man ki kam ki Wildlife Sanctuary wa Conservation Reserve.

Ka sorkar Jharkhand ha ka dorkhat (Affidavit) da pyntip ko ya ka Court wa kwah ko wow pynbna noh yow tipmit yei thaw wa heh 57,519.41 Hectare tangwa da pynkylla ko yeini cha 31,468.25 Hectare deiwa ong wa bakla u kheiñ nyngkong yei heh i thaw wei hadien won da pynkylla won cha ka 24,941.64 Heactare wow man kam ka Saranda Wildlife Sanctuary iwa da pynchrai ya ka Supreme Court .