Ka Dorbar Chnong Tuber Kmaishnong da pyntip ko wa ha ka 31 tarik u January 2026 kawa man leh ka sngi wa ar ka Fete heiwa da em em leh ka Bumper Housie kawa Rs. 55 lak, da pyntip wa ya ki dukan dai baam dai cha toh kiwa dadep wow dai lilam chwa.
Kamtæ ym chah ya kiwa chongdai madan wow wan ki chajan ka thaw pynman Fete ka dorbar chnong tangwa u chah u chongdai ki deiwa jngai chi Kilometer na ka thaw pynman Fete ha Moosyller Tuber Kmaishnong.
Lada chem wa em ki wa leh tam, ka Dorbar Chnong Tuber Kmaishnong daw leh ko yeiwa emkaam, kamtæ da kyntu wow sñiawbha u ya krehlang chirup ha katai ka sngi.
I pyntip na u Waheh Chnong, u Jiedlang Sana.
Discussion about this post