Ka Executive Committee ka Dorbar Chnong Wapung Shnong wa da pynman ha ka 10 tarik uni u bnai da rai da iwi i sur neibynta wow khang ya ki kaam sih kiwa boon jait.
Ka Executive Committee da rai ko wym chah ya kiwa na baar chnong wow wan psiah yung hapoh u pood u ang ka chnong, wei ya kani ka kyndon u krehkaam ko nadooh wa pynmih ya kani ka khubor ha ka 11-02-25 hadooh wa dep ka sngi thap Vote.
Kiwi de ki kyndon man ki kamni ha wah:
Du u kyrtong donhi wa uwi uwa bood yong oo wa ye wow wan psiah wow pynsñiawthooh cha ki manyung kiwa em haka chnong hadooh wa dep wa chah ka sngi wow yalap Election.
Ha kani ka por wa dang pynkhreh Exam ki khon ka chnong wei yow lait u thut ki, da khang ya ki bru yong ka chnong wa kiwa na baar chnong wow tem sur hapoh ki kari, u pynheh sur næ u chaad palat yei por wa 8:00 waje i miet chaneiñ lait noh du heipor wa wan yalap Election da kawon kawon ka Party næ u kyrtong.
Khnang yow neh ka chongsuk chongsaaiñ, da kyrpaad ya phi waroh wow sñiawbha phi u ya krehlang wow bood ya ki kyndon wa da kdaw yow man ka Election MDC kawa lai bait lai ryntih.
Discussion about this post