Hadien wa ka Dorbar Chnong Mukroh Pyllun da chim ko yei rai wow Boycott noh ya ka Election MDC 2025 hajrong ka yurim wa ka sorkar wym ap wym sñiaw ko yei eh i khoo ka chnong wot hawa ka Karbi Anglong Autonomous Council (KAAC) pteiñ ko wow thombor ya ki neipor cheipor, wei ya kani ka rai da pyntip haroh ki cha u Deputy Commissioner ka West Jaiñtia Hills District Jowai ha ka 10-01-25.
Tangwa hadien wa neiliang ki bor District da chimkhia ki wow wan yaklam wa ki paidbah ka chnong Mukroh ha ka Dorbar Pyllun wa pynman haka 10 tarik uni u bnai wa da mihkhmat da u G.H. Passah, MCS Executive Magistrate, West Jaiñtia Hills District, ka chnong Mukroh da rai ko wow pyndam noh yei rai Boycott Election MDC.
I pyndam noh ka chnong Mukroh yei rai Boycott Election toh hajrong ka yurim wa da yoh kular ki deiwa yoh dei thoh neibynta wow booh noh chi syndon yaka Border Police Outpost (BOP) hei thaw wa angnood ka chnong hi, wei da kular leh u pyndam noh yei eh i khoo ka chnong, najrong wa da pynmih leh ka Notice lyngba u Deputy Commissioner ka West Jaiñtia Hills District yow pynman yalang biang neibynta u yaklam chooh chooh yei eh i khoo ka chnong ha ka 26-02-25 ha chnong Mukroh.
Discussion about this post