Khang ki kamra krehkaam ka Dawki PHC nei wym em Doctor

Ka KSU Bakur Unit da thoh ko cha ka DMHO ka West Jaiñtia Hills District hadien wa lai hiar lai pait ya ka Dawki PHC heiwa da chem wa la ar tayaaw ym em Doctor ko hadien wa chah kyrriah ki cha kiwi ki thaw kreh.

Da ong leh wa hawa yaklam wa ki bor sorkar wa toh u pait yeini, da pyntip wa daw thung kreh Doctor da kiwi tangwa ka Order ym pu em poi ko.

Ka seiñ da ong ko wa ini waroh da wanrah ko yei eh i khoo ya ki paidbah neibhah manda wan thooh dawai wan phah sumaar ha kani ka PHC da phah ya ki wow lai ki cha Amlarem, cha Jowai kamtæ ter-ter.

Hajrong ini ka seiñ da kyrpaad ko ya ka sorkar deilang u Montri ka chnat wow sñiawbha wow kyruiñ khmat cha kani ka thaaiñ yow leh yeiwa emkaam yow phah ya ki Doctor khamtam cha kani ka thaw khappood kawa maad yeiwa boon i eh i chitom.

Related posts

Pynskem u Wailadmiki yei em ka Health Sub-Centre ha chnong Hingaria dei wym kyrriah ka

June 1, 2026

Kylliang ka MePDCL ya ki chrot bordiñ ha Rangad | E khublei ka JNC

June 1, 2026