Ynne ka sngi da pynman ya ka yalang paidbah ha Pasyih wow pyrkhat pyrchah ya i khrong dan ka Toll Plaza na ki kari na West wa East Jaiñtia Hills yeiwa da sdang dang du kattu katni bnai hadien wa pyndam yei khrong la kattu katni snem.
Ha ka yalang da wan chimbynta da ki seiñ kamai kari deilang ki seiñbhalang kam ka JNC, PSM, HYC, ki bru samen wa kiwi heiwa da yoh yei klam pynsñiaw na u President ka JNC-West Jaiñtia Hills, u H. Bamon wa kamjooh na u MDC ka Saphai Sahsniang, u Rikut Pareiñ uwa da e ya ki kyntien kitbok wa ki kyntien kyrchaan.
Mar ya kut ka yalang da tia ki paidbah cha ka Toll Plaza wow phah sangeh yeini i khrong dan na waroh ki kari nadooh ki kari kamai, kari heh wa ki kari ki bru samen.
Ki paidbah ha ka yalang da rai bait ki trait wow lait ki kari kamai kamjooh ki kari samen na West wa East Jaiñtia nei chah khrong dan ha kani ka Plaza kamwa man nachwa.
Hadien kattu katni kynta kiwa kamai kari dei wym ye chah de da rai bait ki wow lai cha ka yung krehkaam ka Plaza wow phah mih ya waroh kiwa kreh wei wow khang noh ya kani ka Toll Plaza kat hadooh wym pu rai deiwi tawon.
Discussion about this post