Jowai: Chibynta na ki laad wow yada wei i krehlang wa ka Curfew pyrchah ya ka khlam u COVID-19, ka Dorbar Chnong Mihmyntdu Pyllun da khang ko u psiah næ mih chapoh ka chnong ka thaw, u pood u ang ka chnong Mihmyntdu (Lad College hadooh Soomer Bihsyntu Bishop House) ya ki bru kiwa na baar chnong, lait na kiwa lai luti na u sarok National Highway-44.
Kiwa pyrchah daw chah pynchitom ki katkam ka aiñ chnong wa ka aiñ sorkar wei da kyrpaad ya ki lok wa ki chnong wa marjan u sñiawbha ki u krehlang wa ka chnong.
Da booh leh ya kini ki kyndon hawah:
1. Wym chah de u wan pynyieñ kari ki bru wa na baar hapoh ki bynta ka Lad College, Lad Soil, ki bynta ka yung krehkaam District Industries Center, Lad Madan, Tyndur, Petrol Pump (U Ma Qually Suiam), Dhar Service Petrol Pump, pood wa ka chnong Sabahmuswang.
2. Da khang pyrchah ya ki bru wa na baar u psiah u mih chapoh u pood u ang yong ka chnong.
3. Lada em kiwa kwah u wan emkaam chapoh ka chnong ka thaw sñiawbha u yohbor na ki heh ka chnong kam u Waheh Chnong, Secretary Chnong , Asst. Waheh Chnong wa u Chairman Chnong.
Kani ka hukum u neh ko hadooh wa pynbna deiwi, wei man ko leh katkam wa pyntip u waheh chnong ka Mihmyntdu.
Discussion about this post