Jowai: Ka Directorate of School Education & Literacy yong ka sorkar Meghalaya katkam ka hukum wa pynih haka 19th March 2020 kawa da kdaw che wa ki skur waroh kiwa yoh yaka Mid Day Meal Scheme hapoh ka jylla toh u pyndep ki yei saam yow khoo wa ka poisa cha ki khynnah kawa man ka bhah yong ki nadooh ka 17 tarik u March hadooh ka 31 tarik u March 2020 kiwa man ki sngi wa ka sorkar da hukum ko wa ki waroh hapoh ka jylla toh u khang khyrdep noh ki neidaw ka khlam COVID-19 kawa da ktah ya waroh ka ri ka pyrthai.
Kamtæ ki bor pait bor pynlai ka Seinraij LP School, Mukhap, Laskein Block ha ka thong wow pyndep ya kani ka hukum na ka yung krehkaam yong ka sorkar watoh u pait kyrpang yei puræ puthi, ha kani ka sngi Thymblein 28 tarik, da pynman ko ya i saam ya u khoo wa ka poisa cha ki khynnah kawa man katkam i hok watoh u yoh bhah yong uwi pa uwi, kawi pa kawi ka khynnah.
Neiliang ki bor pynlai ka Seinraij LP School SSA Mukhap wow pyndep yeini i kaam da yaleh ki u bood ryntih yaki adong ka sorkar hei wow yada nei kjut COVID-19 kawa man ka kjut wa smat bha wow yabi næ u poor nawi chawi wei ha kani ka sngi yei bhah yong ki khynnah da wan wow chim da ki bei ki pa yong ki.
Discussion about this post