Kani toh i pyntip cha ki paidbah waroh, ya ki tre chnong wa kiwa na baar chnong, wa ka Dorbar Chnong Rangad, East Jaiñtia Hills District, da chim ko ya ka rai u khang pyrchah ya ki bru wa na baar chnong u wan yalap Election hapoh chnong Rangad ha kani ka Election MDC 2025 cha ka Jaiñtia Hills Autonomous District Council (JHADC).
Ka Dorbar Chnong da khang ko u psiah u mih ki bru kiwa na baar chnong hapoh ka chnong Rangad heiyatoh wa ki kaam MDC Election 2025.
Ka Dorbar Chnong chah hi ko u lai ki Candidate, tangwa du 2 ngut donhi kiwa lailang, iwa mut 3 ngut wa u kyrtong, wei u lai yalap ki leh deiwa bood ya ki kyndon wa emkaam.
Ka Dorbar Chnong da khang pyrchah ko leh ya ki wa lai lyngba ki sarok hapoh chnong u pynheh sur Election, wa kiwi ki ar ki kaam chnongchit Election.
Kini ki kyndon yong ka dorbar chnong ym kynthup ko ya ka Election Campaign ha ki tarik wa ki por wa yohbor.
I thmu yong kini ki kyndon toh u yada ya ka chnong nei awri awra hapoh chnong wei wow lait u mih ki kynrum kynram hapoh chnong.
Kani ka hukum u krehkaam noh ko nadooh ka 15 tarik uni u bnai hadooh wa kut ka Election MDC.
Da kyrpaad leh ya waroh u sñiawbha u bood ya kini ki kyndon yong ka dorbar chnong.
Discussion about this post