U DC ka East Jaiñtia Hills da pynkrehkaam u da ka Section 163 ka BNSS neidaw wa em ka seiñ wa tip kam ka Gau Dhwaj Sthapana Bharat Yatra kawa da mut wow pynman yei lai paidbah ha Meghalaya ha ka 2 tarik u Naichiphaw (Oct), 2024 neibhah kani ka seiñ ym em da paan bor ko wow pynman ya kani ka Yatra.
Kamtæ da ong u wa kani ka Rally ye ko wow wanrah i kthah yei suk i saaiñ hapoh ka District wei da khang ya kiwon kiwon wow pynman yei lai paidbah (Procession/Rally) iwa ye wow ktah yei chong suk.
Da khang leh wow yalang palat 5 ngut ki bru ha iwi i thaw da i thmu wow lai Rally næ Procession hapoh ka District.
Da khang wow lai lang palat 5 ngut ki bru ha kawon kawon ka Rally næ Procession.
Lada chem ya kiwon kiwon kiwa leh pyrchah daw pynchitom ki katkam ka Section 223 ka Bharatiya Naya Sanhita 2023.
Kani ka hukum ym em krehkaam ko ya ki lai paidbah yong niam kiwa da yoh bor chwa deiwa bood ya ki kyndon wa da booh.
Discussion about this post