U Deputy Commissioner ka East Jaiñtia Hills District da pynmih hukum yow khang yei chet i tu charood sarok kamjooh wow pyntaroi ya ki Tourist Spot, ki rood sarok wa ki thaw paidbah kiwa em ha kylleiñ ka District.
Ya kani ka hukum da pynmih yow pynneh yei khooid i jngiar wei yow pynneh yei miat ka chnong ka thaw kamjooh ka jylla.
Ka hukum da ong ko wa kiwa uiñke suwari deilang ki tre chnong da khlan bha ki wow chet wei chong baam harood sarok wa ki thaw wa man kam ki Tourist Spot, wei deiwa leh kamni da wanrah ko leh yei pyntaroi deiwa noh ki Plastic, ki baam wa tam wa kiwi de ki jhep ha ki thaw paidbah hadooh wa da man ko iwa sih ya ka rymaw, i jakhlia wei iwa ye u ktah yei chait i khiah najrong wa pynsihdur ko ya ki thaw uiñke suwari iwa daw pynthut leh yei lai i wan ki bru.
Kamtæ da khang wow leh yeini waroh kamjooh wow noh jhep nadooh ki klong um, ki yusong baam wa kiwi de ha ki Tourist Spot, ki rood sarok wa kiwon kiwon ki thaw lait noh ha ki thaw wa da booh.
Lada chem ya kiwa leh pyrchah daw pynchitom ya ki katkam ki kyndon aiñ.
Discussion about this post