Hadien wym hun ki seiñbhalang yei yachem wa u Union Home Minister, u Amit Shah ynnin ka sngi, neidaw wa suki wei klam ong u chikyntien leh hawa yatoh wa i pynkrehkaam ya Inner Line Permit ha ka jylla.
I dawa ya ka ILP da khih biang ko pyn nadooh ynnin i miet, heiwa da yoh yutip wa da em i thang ya ki chaka kari ha ki kattu katni ki bynta ka jylla wa kynthup ha Umsning, Ri-Bhoi District wa ha Bajong, North Garo Hills.
Ynne ka sngi da em leh uwi uwa da mih ha ka thaaiñ Sohra deilang wa ka Banner dawa ILP, wot hapyrdi i sonteri ki pulit kawa joor yei wan u Amit Shah.
Da yoh yutip leh wa da em ki kattu katni ngut kiwa da thang yei dur bula yong u Amit Shah ha Tura, hajan ka yung krehkaam u Montri Rangbah ka jylla ynne ka sngi.
Da em leh i thoh ya ki kyntien No ILP No Rest ha i kynroh ka Umroi Airport.
