Khih nan ki MDC ka PDF hapyrdi ka dorbar

Shillong: Ynne ka sngi ka MDC ka HSPDP na Mylliem, ka Teilinia Thangkhiew da lai booh ko hakhmat u Secretary ka Legislative ya ka No Confidence Motion (NCM) neibhah wym chaniah ko ya ka EC u Pynshngain.

Ha ini i wanrah NCM ka MDC, ki dkhot ka liang synchaar da khih nan ki hapyrdi wa dang man ka dorbar i wym jooh jia ware wei ini i leh ki MDC ka PDF da pynthut ko yei rukom pynman ya ka dorbar. I rukom khih nan kini ki MDC pynyoo lakam wa daw chah pynhiar noh ya ka EC neibhah wa dang em ki MDC kiwa dang wiar khamtam ki ar ngut ki MDC samen.

Ka yaaw saiñ pyrthai ha Khasi Hills Autonomous District Council (KHADC) da chit bha ko ynne ka sngi hadien wa u Chairman, u LG Nongsiej da pdiang u ya ka No Confidence Motion pyrchah ya ka Executive Committee wa yah da u Pynshngain kam u CEM.

Kani ka yaaw rap chit chooh chooh ko hadien wa u chairman da phah u ya ka Teilinia Thangkhiew (HSPDP) wow wanrah noh yei pynyoonia mar dep ka kynta kylli yutip iwa khlem booh por. Ka Teilina won da ujor ko wa kammon u rah ko ya ka NCM hawa ym em u yoh ko ya ka hukum wei mar kattæ da pynmih ya kani ka hukum.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ki dkhot ka liang pyrchah da mih syndet ki na ka yung dorbar hadien wa u Chairman, u LG Nongsiej da pynbor u wow pynyoo ñia ki hajrong i wanrah wa ym chaniah de ya ka EC wa yahkhmat da u u PN Syiem.

I wanrah ka liangpyrchah ya ka NCM toh wow yania hadien 24 kynta neibhah ka dorbar daw kut ko mynstep katkam ki kyndon, tangwa u Chairman da pynbor hi-eh u ya ka liang pyrchah wow pynyoo ki jar jiar ki ñia.