Jowai : Ynne ka sngi da khih u khmi heipor kamwa 1:15 i sngi yowa da thaw wa em u kamwa 5.4 ha u Richter Scale yowa da sñiaw leh ha ki bynta ka jylla Meghalaya wa ki kattu katni ki bynta ka thaiñ mihsngi uwa neh du kattu katni second donhi.
Da ong wa i tre wa khih uni u khmi toh ha East Garo Hills weiwa ym em iwon iwon i jia wa sñiawsih na i khih uni u khmi.
Hadien u khmi heipor kamwa 2 waje i sngi ka lyær langthari da hiar ko ha kiwa boon ki bynta ha sor Shillong heiwa da pynjæd tympra ko ya ki yung ki sem, ki nar post light, ki dieñ wa kiwi kiwi.
Kani ka lyær da ktah joor bha ko ya ki bynta ka Umpling, Nongrah, Nongmynsong, Pynthorumkhrah, Golflink, wa kiwi kiwi.
Kani ka lyær da khyndang ko ya ki yungbru, da tyngkheiñ wei da tdeh ko ya ki dieñ ki nar post light wa kiwi kiwi ha ka luti wa lai ko.
Weiwa hadien ini ki bor pulit da hiar ki cha kini ki thaw yow e yarap ya ki paidbah.
Da yoh khubor leh wa boon ki manyung da haap ki u ieh ya ki yung yong ki wei boon leh ki yung wa dooh light kiwa boon ki bynta ka sor Shillong neidaw wa boon ki nar post light kiwa da dor, da kheiñ.
Neiliang ka Indian Metreological Department da ong ko wa daw joor bha u slap hapoh ka jylla Meghalaya wa Assam hapoh kini ki 24 kynta wa daw wan.
Kini hawah man ki ki dur na iwa jia ynne ka sngi kiwa da e sñiawbha da kiwa puræ yow Wyrta weiwa u Wyrta hi ym kamtre u ya ki.
Discussion about this post