15 49.0138 8.38624 1 0 4000 1 https://wyrta.com 300 0

Khlaad 19 ngut hadien wa iñ i Coaching Centre ha Surat, Gujarat

0 Comments
Advertisement ad1

Ynne i janmiet da em i jia wa sñiawsih heiwa iwi i Coaching Centre wa em ha Tashila Complex ha sorbah Surat hapoh Gujarat da iñ i wei kani ka Centre em ko ha ka mala wa 3 wa 4 yong kani ka yung khyndaw-bilat.

Ha ini i iñ da dooh hadooh kamwa 19 tylli ki mynsien wei boon na kini toh ki khynnah kiwa chah sikai ha kani ka Coaching Centre kiwa da kynthiar ki najrong kani ka Centre.

Advertisement ad1

Heipor wa iñ kani ka yung da antaad wa em kamwa 50 ngut ki khynnah ha kani ka Centre.

U Police Commissioner ka Surat u Satish Sharma da ong u wa kiwa khlaad ye ki u ku neibhah wa boon kiwa mynsoo ha ini i jia.

Da suba leh wa ini da jia i neidaw ka Short Circuit namo wa thut ki sainar bordiñ tangwa dang pynman ya ka takit wei neiliang ka sorkar jylla Gujarat da hukum ko leh wow pynman da ka takit.

Neiliang u Narendra Modi da phah u leh ya ka khubor sñiawlem cha kiwa hayung yong waroh kiwa da chah ktah ha ini i jia lyngba ka Twitter.

Advertisement ad1

0 Comments

Leave a Reply