Ar ngut ki khynnah kynthai da dooh ki yei mynsien nei ngam um iwa da jia ha ka thwai Braimirit wa em haka wah Rilang ha South West Khasi Hills.
Kini ki ar ngut toh kiwa tip kam ka Shabakmenlang Wanniang kawa 16 snem i rta waka Aishabankmen Thongni kawa 14 snem i rta kiwa waroh ar na ka chnong Wahsiej, SWKH.
Ini da jia i ynnin ka sngi Bibar heipor kamwa 1:00 waje i sngi wei kini da wan ki soo ngut yow lai sum heiwa ka payu waheh yong kawi na kiwa yap da em wa yoh u pynlait im ka kawa da jan mut u yap lang deiwa pyrchang wow yarap yaka diah ko ka Aishabankmen Thongni.
Ka Shabakmenlang da dooh ko yei mynsien heipor wa ka leh pyrchang ko wow pynlait im yaka Aishabankmen heiwa da chah taan lang ko chapoh.
Uwa pynlait im uwa dang 14 snem i rta uwa tip kam u Elambok Dkhar da pyntip u wa da yoo u yaka Saphibanroy Thongni ka payu ka Aishabankmen wa ngam um ko wei da ye u wow taan ka cha rood hadien wa pyrchang arsien neidaw wa joor ksaid ko tangwa oo ym tip u wa da em kiwi ki ar ngut wa da ngam um kat u poi u hei thaw wa jia.
Neiliang ki pulit hadien wa pynman ki yei takit da chem ki wym em i suba wa leh bakla wei da e kti yei metyap cha kiwa ha-yung wei u Magistrate leh da pynlait u nei leh Post-Mortem.
Discussion about this post