Ar ngut ki bru da dooh ki yei mynsien hadien wa ya tyrrah ar tylli ki truck hajan ka ICAR ynne i step heipor kamwa 8:00 waje ha u sarok Shillong Bypass ha Umiam, Ri Bhoi.
Kawi ka truck toh kawa em ya u Number WB-41-G-6998 kawa lai cha Silchar da ya tyrrah ko wa kawa em ya u Number NL-01-AE-3329 kawa mar pyrchah.
Uwa yah ya ka kari wa em ya u Number West Bengal uwa tip kam u S.K. Saraf da khlaad u pyn ha ini i thaw wa jia katwa uwa yarap ya oo da mynsoo u malu mala.
Ka truck wa yah da u S.K. Saraf da tyrrah ko ya kawi ka kari khian wa em ya u Number ML-05Y-0439 wa ya kawi kawa lai dei kjat kawa tip kam ka Khandi Rabha (66 snem) kawa da mynsoo wei da kit cha Shillong Civil Hospital tangwa da khlaad noh ko.
Uwa yah ya ka kari wa em ya u Number Nagaland da yut u na ini i thaw wa jia.
