Ha i janmiet ka 7 tarik ki pulit ka Umtyra Infiltration Check Point da pynsangeh ki ya kawi ka kari Maruti 800 wa em u Number AS-11-5670 ha Umtyra Infiltration Check Point wa wan neiliang Silchar, Assam tangwa kani ka kari da yut ko, wei heipor kamwa 8:00 waje i miet u sahep In-charharge ka Infiltration Khliehriat Check Point da yoh yutip u wa ka KSU-Khliehriat Unit da ksoh ko ya 8 ngut ki bru wei da kit ya ki cha Khliehriat Police Station.
Hadien wa sylli ya ki kot yong ki da chem wa 6 ngut na ki toh kiwa khlem ki kot wa biang wei uwa yah ya kani ka kari toh u D. Khyriem (32 snem) na Mynkrem wei da emlang leh ka kurim yong oo ka M. Suja (35) kawa na Kuliang wa ar ngut na Assam wa kynthup ya u Md Abdul Monnan Laskar (30 snem) na Silchar Assam wa u Md. Ansari Jamal (33 snem) na Barpeta Assam kiwa da wanrah tooh ki ya ki bru wa suba na Bangladesh.
Neiliang ki pulit da Register ki ya ka Case pyrchah ya kini ki bru katkam ka kyndon Section 370 IPC wa Section 14 yong ka Foreigners Act.
Kini ki 6 ngut wym biang ki kot ki sla kynthup ki ya kini hawah:
- Md. Farbad Mia (32 snem),
- Md. Shaheen Mia (30 snem),
- Md. Md. Shano Mia (50 snem)
- Md. Md. Kudos Mia (30 snem),
- Md. Babul Mia (35 snem),
- Saya Khatoon (35 snem).
Waroh kini 6 ngut toh kiwa na Habiganj, Bangladesh.
Puræ leh: Yoh kem ka KSU ya kiwa suba nong Bangladesh na Khliehriat, daw khyrwit khlem maap ya kiwa man dalal
