Kawi ka khynnah wa dang 10 snem da dooh noh ko yei mynsien hadien wa baam ko ya u Cake wa da suba wa em bih uwa da thied ki Online yow lehkmen sngikha iwa da jia ha Punjab.
Kiwa ha-yung kani ka khynnah waroh wa kynthup ya ka diah ko leh da yoh kjut ki hadien wa baam ya uni u Cake, da khana u papun kani ka khynnah wei ya uni u Cake da thied Online na kawi ka Bakery wa em ha Patiala.
Kani ka khynnah wa tip kam ka Manvi, da pynpoor yei dur wa i Video ko ha kiwa boon ha ki Social Media kiwa da ong wa ini da riñ heipor wa ah Cake ko deilang wa kiwa ha-yung ko.
Ya uni u Cake da ah heipor 7:00 waje i miet ka 24 tarik uni u bnai wei kat heipor 10:00 waje i miet waroh chi yung da sdang yoh kjut i wei neiliang u papun kani ka khynnah, u Harban Lal da khana u wa ka diah ko da sdang ko wow prai katwa ka Manvi won da paan um ko deiwa ong wa joor bha i jrah um ko wei raw i ktien ko wei hadien ini da lai thiah noh ko.
Heipor kamwa 4:00 waje i step da lai pait ki ka wei da chem wa da dait thah ko wei da pynkit ka cha Hospital heiwa da hap e Oxygen wei da leh ya ka ECG tangwa ym ye ki Doctor u leh iyi iyi wei da khlaad noh ko hadien kattu katni por.
Neiliang ka yung ka sem da pynbaad ki ya uni u Chocolate Cake wa thied ki Online na ‘Cake Kanha’ wa ye u man wa em bih u heiwa ka diah ko kawa prai da lait ko nei maa.
Da e leh ya ka FIR pyrchah ya ki tre kani ka thaw chet Cake wei da phah lai Test leh ya uni u Cake yow tip yei sakhiat.
Discussion about this post