Jowai: Ynnin i miet heipor kamwa 11:30 kawi ka manbei da dooh ko yei mynsien yong ka hadien wa chah ah ko na rdang da ka tari wa suba toh ka tari kwai.
Ki pulit da pyntip ki wa manda poi ki ha ini i yung wa em ha Riatsasim, Jowai da chem ki ya kani ka manbei kawa thiah yap hei snaam wei u kurim ko leh da mynsoo u na rdang (chah ah) tangwa ym toh iwa joor wei da pynkit ya oo cha Hospital yow yoh u yei sumaar.
Kani ka manbei da tip pyrtuid kam ka Daphibanker Phawa kawa em 29 snem katwa u kurim ko da tip kam u Shwamiki Law uwa em 30 snem wei da em ki le ngut ki khon.
Ka Daphibanker toh kawa sikai wei ini i yung wai wa sah ki toh pyn i yong ka bei u kurim ko.
Ki pulit dang pynman ki ya ka takit wei dang yang ki leh wow yohlaad wow yaklam wa u Shwamiki yow yoh yutip wa rap bniah.
Neiliang u Wyrta daw pyntip chooh chooh i cha phi heiyatoh wa ini.
Discussion about this post