Ka North Eastern Indira Gandhi Regional Institute of Health & Medical Sciences (NEIGRIHMS) da chah pynbaad ko wa leh khalær hadien wa yap kawi kawa dang 23 snem na ki daw wym tip kawa chah sumaar ha kani ka Hospital.
Kiwa ha-yung ha-sem kawa khlaad da pynsñiaw ki yei wym sñiawsuk wa neidaw wa chah pooid kani ka khon ki khlem da yoh bor na ki wei khlem da khana leh iyi chitom ko. Wei da pyntip donhi cha ki wa em em iyi re iyi ha i snier ko.
Da kam ki leh wa hadien wa pooid, da rah yaka cha ka Surgical ICU Room khlem da khana cha ki wei ym em yoh ki wow yachem wa kiwon kiwon ki Doctor nadooh ka 17 tarik hadooh ka 22 tarik uni u bnai. Tangwa haka 23 tarik heipor 9:00 waje i miet da pyntip cha ki wa da khlaad noh ko.
Kini kiwa ha-yung da pynbaad ki ya kiwa kreh ka NEIGRIHMS wa leh khaler ki hanla kani ka khon ki da ood donhi ko wa chitom ko wow riñ mynsien. Da ong ki leh wa ka khon ki da thoh ko yaka chithi chwa u khlaad ko yeini i leh khaler wei ym em chimkhia kiwa kreh kani ka Hospital kiwa em hapoh ka ICU.
Iwa da pynchrai chooh chooh ya kiwa ha-yung toh hadien wa pyntip cha ki wa da khlaad ka khon ki wei da e yaka Death Certificate tangwa khlem da khan iyi daw wa khlaad ko.
Discussion about this post