Kawi ka kynthai kawa da suba toh kawa da chah tyrrah ha ka kari kawa da yut nei thaw wa jia, da chem wa thiah yap ko ha pyrdi sarok hei miet ka 5 tarik uni u bnai ha laad Moowakhu, East Jaiñtia Hills District.
Ki pulit mar ya poi ki ha kani ka thaw da pyrchang ki wow phone Ambulance tangwa ym em yoh ki, kamtæ da kit ya kani ka bru cha Khliehriat Civil Hospital heiwa ki Doctor wa em heini da ong ki wa da khlaad chwa ko.
Hadien wa pynman yei takit da chem wa kani ka bru toh kawa tip kam ka Lusia Lamare (28 snem) kawa chong chnong ha Moowakhu hi.
Da suba wa da chah tyrrah ko heipor wa dang kaap ko cha chiliang sarok wei neiliang ki pulit leh dang yaleh ki wow pait lyngba ki CCTV wa em ha u sarokbah hajan kani ka thaw wa jia yow tip yeiwa jia.
Neiliang kiwa ha-yung ha-sem ko leh da booh ki ya ka FIR ha Ladrymbai Police Outpost.
Discussion about this post