Khlaad ki 3 ngut ki khynnah kynthai wa mut wow lai Christmas Carol hadien wa kylla kari

Jowai: Ha ka miet ka 24 tarik uni u bnai katkam wa pyntip ki pulit da em ki le ngut ki khynnah kynthai da dooh ki yei mynsien yong ki hadien wa kylla kawi ka kari Bolero Pick-up wa em ya u number ML-04-C-7064 wa yah da u tre kari u Sanki Pale uwa na Nongjngi.

Kani ka kari toh kawa wan na chnong Lumstong yow lai cha Mynsngat kawa da kit bru wow lai Christmas Carol wei manda poi ko ha Pamtiah Mynsngat da kylla ko wei da em hadooh 24 ngut ki bru wa da mynsoo ha ini i jia.

Ki le ngut wa khlaad toh ka Rimika Dkhar (12 snem), ka Khambun Pale (13 snem) waka Pynshngainbha Pale (16 snem) waroh kiwa naka chnong Lumstong Nongjngi.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Ki pulit da pyntip ki wa katkam ka takit da jai ini deidaw wa pynhær kari uwa yah wei hadooh kattæ dang thooh ya oo hadien wa yut u na ini i thaw.

Ya ki le ngut da kit ya ki cha Nartiang PHC wei da khlaad ki chwa wow poi ha kani ka thaw sumaar.