Jowai: Katkam ka yutip na ki pulit da ong wa ha ka 10 tarik uni u bnai u Dulu Sinha da ujor u wa heipor kamwa 4:30 wa 5:00 waje i janmiet, kawi ka kari da tyrrah ko ya u payu u uwa tip kam u Sapon Sinha (47 snem) ha Tongkiad (WJH) wei kani ka kari da yut ko na ini i thaw.
Ya u Sapon da kit chwa cha Civil Hospital Jowai neitæ won cha NEIGRIHMS tangwa da khlaad noh u ha ka 22 tarik.
Ha ka 26 tarik won heipor kamwa 12:30 i sngi, kawi ka kari kit phniang (AS-01FC-9424) da tyrrah ko ya kawi ka khynnah wa tip kam ka Jessica Paslein ha Umkiang Apha, ha u sarokbah NH-6 (EJH). Kani ka khynnah da khlaad noh ko ha ini i jia wei neiliang ki pulit dang pynman ki yei takit.
Sa iwi won i jia toh ha ka 27 tarik heiwa u O. Lamare na Laskein (WJH) da pyntip u wa heipor kamwa 3:30 nohchariñ ka sngi, u pyrsa u ya uwa tip kam u S. Lamare (9 snem) da ku u ha ka Bolero Pick-up wa yah uwa ujor wei da haap u najrong kari wei da khlaad noh u.
Discussion about this post