Khlaad le ngut ha i tyrrah kari hapoh ka jylla

Jowai: Katkam wa pyntip ki pulit haka 29 tarik u bnai wa da dep, heipor 5:10 i step, ka wi ka kari kamai Local Taxi wa em ya u number ML-05D-3904 wa yah da u Pyniarapborlang Nongsiej (42 snem) da tyrrah ko ya kawi ka truck wa pynyeiñ ha rood sarok ha Umbang, Ri-Bhoi.

Ha ini i jia uwa yah yaka kari kamai da khlaad u pyn ha thaw wa jia.

Haka 26 tarik u bnai wa da dep heipor 10 waje i step ka wi ka Scooty wa em ya u number AS-01F-5010 wa yah da u Sonjith T Sangma, da tyrrah ko yaka yingkeiñ khyndaw bilat wa em ha Darugre, NH-62, Rangkol, EGH.

Ha ini i jia uwa chong hadien uwa tip kam u Jona R Marak da mynsoo joor u wei da khlaad u ha luti heipor wa kit ya oo cha Rongjeng CHC.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026

Haka 19 tarik u bnai wa da dep heipor 1:30 i sngi kawi ka kari wa ym tipmit da tyrrah ko yaka Meridahun Kharbangar (20 snem) ha Mawmluh, Smit (EKH). Ya kawa chah tyrrah da pynkit cha Smit PHC tangwa da khlaad noh ko.

Ha iwi tawon i jia haka 28 tarik u bnai wa da dep heipor pyrdi sngi u Ratborlang Nongbsat (28 snem) da mynsoo u hadien waka Stove phniang charak wa chet ja u da pdung ko wei ini da jia i ha Umtham, Kyrdemkulai (RB).

U Kharbangngar da mynsoo u na ini i pdung ka Stove wei da kit ya oo cha Civil Hospital Shillong tangwa da khlaad noh u nei chah thang ha i diñ.