Jowai: Ka Sheila Dikshit kawa da jooh man kam ka Chief Minister ka Delhi la le sien kamjooh kawa yahkhmat ka Congress, ynne ka sngi da khlaad ko ha New Delhi hadien wa da chitom ko da rap slem.
Ka Sheila Dikshit toh kawa da em 81 snem i rta wei ynne ka sngi heipor 10:30 i step da pynkit ya ka cha Hospital tangwa da khlaad noh heipor 3:55 noh chariñ ka sngi.
U Dr. Ashok Seth, Director, Escorts Fortis da pyntip u wa ya ka Sheila Dikshit da pait da sumaar ya ki Doctor wa biang tangwa heipor 3:15 noh chariñ ka sngi da tlot u klongsnam ko wei da pyndait yaka ha ka kor Ventilator tangwa heipor 3:55 noh chariñ ka sngi da khlaad ko.
Ka Sheila Dikshit da man ko kam ka Chief Minister ka Delhi 15 nadooh u snem 1998 hadooh 2013.
Ki heh ki seiñ saiñ hima sima hadooh u Prime Minister da lai ki wow kynmoo warom yaka Sheila Dikshit wei da pynbna leh ya ar sngi kam ki sngi yam bru da ka sorkar Delhi wei ya ka lehniam wa khadooh u pyndep myntep ka sngi heiwa daw leh da ka State Funeral.
Discussion about this post