15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Lehkmen dap chi snem ka Wyrcha Village Organisation, Raliang

0 Comments
Advertisement ad1
Advertisement ad1
Advertisement ad1

Jowai: Ka Wyrcha Village Organisation (VO) Raliang ynnin ka 19 tarik da lehkmen ko yei dap chisnem i lai luti yong ka ha i emlang ka Executive Committee yong ka chnong, ki chnat sorkar waphær waphær. Heiwa ya ka yalang da pynlai da ka M. Lyngdoh kawa man ka Perisdent yong ka VO.

Da yoh ya i batai tbian ya ki kaam wa kreh ka Wyrcha VO na ka Secretary ka S. Lyngdoh kawa da batai wa ya ka Wyrcha Village Organisation da seiñ haka 19-07-18 da ki 19 tylli ki SHG kiwa em hapoh ka chnong Raliang lyngba ka Scheme ka sorkar pyrdi hapoh ka National Rural Livelihood Mission (NRLM) kawa pynlai da ka Meghalaya State Rural Livelihood Society (MSRLS) lyngba ka Block Management Mission Unit (BMMU) Laskein Block .

Advertisement ad1
Advertisement ad1

Hadooh katni ki Self Help Group wa em hapoh kani ka VO da em ki 27 tylli kiwa yoh chiboon ki myntoi lyngba ka NRLM. Ka poisa wa da yoh ki da poi ko hadooh T. 32,75,000, ka poisa wa ki Self Help Group da kynchew ki da poi kamwa T. 4,07,920 wei ka Revolving Fund da poi ko T. 2,85,000 na ka Scheme NREGA lyngba i yarap yong u Block Development Officer Laskein T. 23,65,917 wei naka chnat Soil da yoh T. 4,00,000 kam ka Revolving Fund wei naka Agriculture Development Officer da yoh ki yei symbe saru, da yoh leh yei yarap lyngba ka Bank heidur ka ram kamwa T. 8,50,000.

Nalor kini da yoh ki leh ya ka chah sikai wow rep tit naka IBDLP ha Umran lyngba ka RSETI.

Lyngba ka Wyrcha VO da yoh leh wow leh chiboon ki kaam hapoh ka chnong kam ki Social work, International Women Day, Poshan Abhiyan wei kamjooh wow pynman ya ki pynsñiawthooh paidbah kammon wow lait na i dih kiad wa i chong kurim dang khynnah.

U S.F Lyngdoh (COO MSRLS) hei klam yong oo da ban joor u wa i emlang hapoh ki SHG man ko ka laad wow pynduna yei dooh i duk ha ki man yung man sem ha ka chnong hi waroh kawi deiwa ya krehlang wei deiwa em leh ka chaniah wa i sñiawthooh lang, wei da pynkynmoo u leh wa ka poisa waroh kawa ka sorkar da e ko cha ka VO kam ki SHG man ki kam ki symbe, wei wow pynemkaam hok ya ka khang wow man ko ka yoh myntoi ya ka mynried. Chooh chooh da ong u leh wa ka Village Organisation man ko kam ka Bank wa khian wa yarap ya ki SHG kiwa em hapoh chnong.

U F.B. Basan (BDO Laskein C&RD Block) da kyntu joor u ya ki manbei kiwa em Job Card wow em ki hapoh ki SHG khnang wow nang pynku ya ka yoh ka kot yong ki neibhah lyngba ka Scheme NREGA chiboon ki laad yarap ye ki u wow yoh wei kamjooh leh kammon wow pynku chooh ya ka roi ka paar hapoh chnong poh thaw. Da pyntip u leh wa hapoh kini ki kajiak bnai da yoh wow yarap ya ki manbei wa em hapoh ka SHG kamwa T. 23, 65,917 kamtæ da ban joor u ya kiwi leh ki manbei wow em ki hapoh ki SHG.

Neiliang u Dykes LSN Garod uwa man kam u Deputy Commissioner ka West Jaintia Hills District, uwa da wan ha kani ka sngi kam u symbood kongsan, da ong u wa emkaam ya kiwa chong chnong wow chimkhia ya kawon kawon ka bynta wa ki kreh ki khnang wow wanrah ya u soh yong i jop. Da e mynsien u leh ya ki SHG wow nang minot ki u kreh wei wow em ka mynsien yaichah.

U C. Ymbom, MLA 3 Raliang Constituency uwa man leh kam u montri wa pait ya ka PWD, GAD & Fisheries da wan u kam u kongsan ha kani ka sngi heiwa hei klam yong oo da pynchlur u ya ki SHG wow man ki kiwa yaichah khnang yow ye ki u lai chakhmat, wei da kyrpaad u leh ya kiwa chong chnong wow man ki kiwa lehkhooid kawa man ka spah bah, da pynkynmoo u leh wow chim kabu ya ka Scheme MHIS kawa toh neibynta ka chait ka khiah.

Heiyatoh won wa ka dorkhat wa e ka Wyrcha Village Organisation cha oo, da ong u wa ym toh iwa eh wow e yarap lada em ki i thaw. Da pynchlur u leh ya ki wow sdang ki da ki Society neibhah ki manbei da em ki da ki SHG khnang wa ki leh wow ye ki u pynku ya ka yoh ka kot ya ka yung ka sem wa yaka chnong ka thaw hi waroh kawi.

Ha kani ka sngi da pynliat u leh ya ka Work Order wa T. 20,00,000 kam wow yarap chna ya ka yung skur ka Seiñ Raij Secondary School, Raliang.

Ha kani ka sngi da emlang leh u C Lyngdoh, Dolloi ka Elaka Raliang wa u R. Syngkon u MDC ka thaaiñ.

Advertisement ad1

0 Comments

Leave a Reply