Ka Rophi Sumer kawa na chnong Bataw wa chong wa sah ha Jowai kawa dai that ha Iawmusiang wei kamjooh kawa lai beh yaw cha kiwa boon ki sngi yaw hapoh Ri-loom Jaiñtia da khlaad noh ko.
I daw wa khlaad ko toh wa em i jia ha ka 12-08-22, heipor 7:30 i step heipor wa lai beh yaw ko cha Wahiajer wa heipor wa pynhiar that najrong ka Bus da ki daiju tæ haap syndet ki that hajrong khlieh yong hadooh wa da mynsoo joor ha i bynta u budloom wa u rdang yong ka heiwa da rah wut wut cha Super Care Hospital Shillong wei da booh ya ka ha ICU tangwa neidaw wa da joor i chitom ko da pynmih ya ka na Hospital ha ka 18-08-2022 deiwa thmu u wanrah ya ka cha chnong Bataw.
Tangwa hapyrdi wa dang ya lai cha chnong Bataw manda poi ha Jowai da khlaad syndet ko hei rta wa dang 34 snem wei da ieh khonswet ko ya ki soo ngut ki khon ko heiwa ka khon khian ko toh kawa dang dap wot chi snem.
Neiliang kiwa ha yung da phah ki ya kani ka khubor khnang wa ki paralok parajor yong ka u tip ki yeini i jia wa sñiawsih heiwa da pyntip wa u thang em burom ya ka met yap yong ka ha ka tpep thang bru ka Niamtre Bataw ha ka 19-08-2022 wei da phah ya kani ka wyrta wa i yap yong yong ka wym em de u toh ka mynsoo mynsnaam heiwa da pyndep niam pyndep rukom yeitæ i jia ya ka nadooh i por wa dang em ko ha Hospital.
