Shillong: Ka Salesian Province of St. John Paul II, da pynsñiaw ko yei sñiawsih kthang yei khlaad noh u Father Joseph Cilia SDB, ynne ka sngi heipor 3:30 i step ha Nazareth Hospital, Shillong.
Ya ka lehniam wa khaddooh yong oo u pyndep ha Cathedral of Mary Help of Christian heipor 1:30 mynstep ka 11 tarik da u Most Rev. Archbishop Dominic Jala SDB, wei daw pynbood da ka lai tlep ha Salesian Cemetery ka Catholic Cemetery Laitumkhrah.
U Father Cilia da chitom da slem wei da man u leh uwa da heh rta.
U Father Cilia toh uwa na Malta u khon u Francis waka Michalina Cilia wei da kha ya oo ha ka 30-01-1936 wei da poi u cha ri India ha u snem 1956 wei da pynkyntang ya oo kam u Lyngdoh ha Shillong ha u snem 1966 da u (L) Archbishop S Ferrando, SDB.
Da kreh u ha kiwa boon ki thaw kam ha Bosco Guwahati, Sohra, Pynursla, Cathedral Parish Laitumkhrah, Jongksha Parish, Christ King College, ha STC wei da man u leh kam u Director of Don Bosco Youth Centre, Shillong.
Da kreh u leh neibynta ki khynroo khyllood yow yarap ya kiwa da lai cha ka luti wa bakla, da pynman u leh ya kiwa boon ki Bible Camp, Leadership Camp, Youth Seminar wei i khlaad u da man i i dooh lok ya kiwa boon ki khynroo khyllood kamjooh kiwa da heh kiwa da yarap u.
U Father Cilia da yoh u leh ya ka Meghalaya State Award for Social Service ha u snem 2000.
Discussion about this post