Ynne i step synyaaw heipor kamwa 1:00 waje, da em i jia wa sñiawsih heiwa kawi ka kari Maruti Swift da lai tyrrah ko yei kynroh wa em ha rood sarok ha Dkhiah hajan ka Petrol Pump.
Hapoh kani ka kari da em soo ngut kiwa mynsoo wei da kit ya ki cha Khliehriat Hospital tangwa uwi na ki, u Kynjaimon Amse uwa na Umkiang da khlaad noh u.
Ya kiwi kiwa mynsoo da kit ki cha kiwi ki Hospital yow yoh ki yei sumaar wa rap biang.
U Kynjaimon man u kam u muktiar uwa da yaleh da ka PIL ha ka Meghalaya High Court neibynta wow dawa pynchna ya u sarok NH-6.
Da yakhih u leh wow dawa na ka sorkar yow pynyoh sarok cha ki chnong khappood kam ka Huroi, Hingaria wa kiwi de.
Ya ka niam ka rukom yong oo u pyndep ha ka 25-08-24 heipor 1:00 waje i sngi ha loom tlep-bru ka Balang Catholic Umkiang, Holy Cross Parish.
Discussion about this post