Ka yung krehkaam ka District Hub for Empowerment of Women (DHEW), Social Welfare Department, West Jaiñtia Hills District deiwa ya krehlang wa ka Happy Red Rooster, Shillong da pyndep ki ya ka e sikai wa san sngi hajrong ka Self Defense Training ya ki khynnah kynthai ka Jowai Presbyterian Higher Secondary School ha ka 19 tarik uni u bnai.
Ya kani ka e sikai da sdang ha ka 14 tarik uni u bnai kawa da pynman ha ka Jubilee Hall ka Jowai Presbyterian Church, Mission Compound, Jowai kawa man kam chibynta ka Beti Bachao Beti Padhao (BBBP) Programme.
Kani man ko kam chibynta wow tip ki khynnah kynthai kammon wow yada ya idæ deiwa tip kammon wow yaleh pyrchah lada em kiwa mut wow thombor ki.
Ha ka sngi pynkut da em ka yalang wa pynlai da ka S. Lamare, Gender Specialist, DHEW, West Jaiñtia Hills.
Neiliang ka A. Lamare kawa sikai ka Jowai Presbyterian Higher Secondary School da e khublei ko ya ka chnat Social Welfare wa da pynman ki ya kani ka e sikai deiwa ong wa kani ka e sikai toh wa emkaam bha khamtam ya ki kynthai yow yarap ya ki wow man kiwa sñiaw skem lada jia iwon iwon iwa booh ya ki hei maa.
Neiliang u Isaiah Kharmawphlang, uwa seiñ ya ka Happy Red Rooster, MMA Shillong hawa e yei klam da pynchlur u ya kini ki khynnah wow tip ki u pynpliah yeiwa da chah sikai ki kamjooh wow em i rukom pyrkhat iwa khlan lada tyngkhooh ki wa iwon iwon.
Neiliang ka F.G.N Ryngnga, District Mission Coordinator, DHEW, West Jaintia Hills hawa e ki kyntien khublei, da sneiñ ko wa lada jia iwon iwon wow pyntip ki cha ki pulit.
Waroh ki khynnah kiwa da chah sikai da em 134 ngut.
Discussion about this post