Ka JNC Central Executive Committee lyngba u Vice President ka seiñ, u Ency Shadap da phah ko ka khubor wa sñiawlem cha kiwa ha-yung ha-sem yong u Ma Julius Nongtdu, uwa man leh uwa yalam ka HNYF Jaiñtia Hills, heijooh i por man u leh kam u Secretary Chnong ka chnong Moolamanoh, EJHD uwa da khlaad syndet hei miet ka 21 tarik.
I khlaad syndet yong u Ma Julius man ko i dooh nong wa khroo yaka imlang ka sahlang kamjooh ya ka yung ka sem ka yong oo.
Neiliang ka seiñ da booh ko yei duwai i phirat hakhmat u Blai Kynrad uwa booh wa thaw yong i wow phah u yei pyntngen ya ka yung ka sem ka yong u Ma Julius Nongtdu.
Laisuk laisaaiñ chakhmat u Blai, kyrkhu kyrdoh ya ki khon ki kti yaka yung ka sem, ya ki payu para, ki kur ki jait, ki lok ki jor ki yong phi, pynkut u Ency Shadap.
Ya ka niam ka rukom wa khaddooh u pyndep ha ka 23-03-24 ha loom tlep-bru ka Balang Catholic, Moolamanoh heipor 1:00 waje i sngi.
Discussion about this post