Kiwa hayung hasem u ma Prosely Pde uwa chong wa sah ha Loomkyrwiang, Jowai da pyntip ki wa da khlaad noh u ynne ka sngi na sla khyndaw pythai heipor kamwa 3:20 i sngi.
Ya u ma Prosely da kha ha ka 15 Naitung 1935 wei jooh chong jooh sah u ha Chutwakhu, Jowai wei sah noh u wa ki khon yong oo ha Loomkyrwiang, Jowai.
Ya i metyap yong oo da pynthiah ha Loomkyrwiang wei ka lehniam tlep daw pyndep ya ka ha ka 1 Khonchonglad (November) 2020 heipor 2:00 i sngi ha Loom Tlep-bru ka Balang Presbyterian Jowai, ha Chutwakhu.