U Montri Rangbah warim ka Meghalaya, u J D Rymbai da khlaad noh u ynne hei rta wa 87 snem.
Da ieh u chadien ya 5 ngut ki khon wa kynthup ya ka 3 ngut ki khon khynthai wa 2 ngut ki khon chynrang.
U J. Dringwell Rymbai da jooh man u leh kam uwa sikai skur sorkar hachwa wow psiah u cha ki kaam saiñhima sima ha u snem 1983 wow yakhun MLA kam u kyrtong ka Congress na Jirang Constituency wei da jop u sa le sien ha u 1993, 1998 wa ha u 2003.
Da man u kam u Montri Rangbah nadooh u Naiynru u 2006 hadooh ku Wisu u 2007.
Da chah jied u leh kam u Speaker ka Meghalaya Assembly ha u snem 1993 wei da man u leh kam u Montri sorkar wa pait ya kiwa boon ki chnat krehkaam.
