theme-sticky-logo-alt
theme-logo-alt

Pyrchah wei ym e laad ka VDP Elaka Sutnga wow wan noh jhep ka Jowai Municipal Board

Ka Joint Village Defense Party Elaka Sutnga, da pynbna paidbah yow pyntip wa ka pyrchah joor ko yei thmu wow wan noh jhep na Jowai chapoh ka Elaka Sutnga, wei ym em laad leh da kammon kammon leh wow wanrah yei jhep yei jakhlia yong ka Jowai Municipal Board kiwa da sahkut ha chnong Jowai.

Ini i pyrchah yong ka Joint VDP ka Elaka Sutnga toh hadien wa u Damewanhi Rymbai da soi u ya ka soskular yow chah ya ka Jowai Municipal Board wow lai noh yei jhep ha ka krem mooyong yong oo kawa em ha chnong Moolamylliang kawa dang haap hapoh ka Elaka Sutnga.

“Lada kwah u Damewanhi wow e thaw noh jhep ya ka Jowai Municipal Board, toh u e thaw u ha i chnong yong oo hi ha Wapung, ym toh u wanrah cha ka Elaka Sutnga” ong ka kyrwoh na u Secretary Joint VDP Elaka Sutnga, u Pynbait Sutnga.

Ha i jooh i por, ka VDP Elaka Sutnga, da maham joor ko leh wym toh u wan pynjakhlia yei thaw wa dang haap hapoh u pood u ang yong ka Elaka khamtam wow wanrah ya itæ i jhep na Jowai neibhah ka Elaka Sutnga hi ym toh ka thaw noh jhep yong kiwon kiwon.

Hawa kylli iyi u leh ki lada wan bait ki Truck ka Municipal, da ong wa daw chah dat chah bom ki. Wei ka Elaka da dep ko wow phah dei thoh cha u DC ka East Jaiñtia Hills ha u 2021 hadien wa dep em wa wan noh jhep ha chnong Lamyrsiang iwa da suba hi toh i jhep wa wanrah na Jowai.

Share this:
Previous

Khlaad noh u Montri Rangbah warim ka Meghalaya u J D Rymbai

Next

Da toh ieh mylliñ ya ka muna skur hapoh kawi ka Taxi