U Neil Nongkynrih uwa sdang ya ka dhab rwai wa pawnaam ka jylla, ka Shillong Chamber Choir da khlaad noh u ynne ka 5 tarik hapoh ka Hospital wa dang em u hei chah sumaar.
Yei daw wa khlaad u ym pu che bha tangwa da chah sumaar u ha Mumbai nadooh u Khonchonglad (Nov) 2021.
Kam u bru wa em sap wa kyrpang hei tem i put, da yoh u leh ya ka khusnaam Padma Shri ha u snem 2015 ya ki kaam wa da leh u heiyatoh wa ki sur ki rwai.
Hapoh i yahkhmat yong oo, ka Shillong Chamber Choir da pawnaam ko ym du hapoh ka ri heiwa da jop leh ya ka yakob India’s Got Talent ha u snem 2010 wei da lai rwai leh cha baar ri kam ha China, England, Poland, Switzerland, Sri Lanka wa ha Italy.
U Neil Nongkynrih to uwa da pyndep yei puræ naka Guildhall School of Music wa na Trinity College, London wei da man u kam uwa tem Piano 13 snem hapoh Europe chwa wow liwan u cha Shillong yow sdang ya ka Shillong Chamber Choir ha u snem 2001.
U Neil Nongkynrih toh uwa da em 51 snem i rta.
