U Ratan Tata uwa man kam u Chairman Emeritus kawi na ka Company wa heh dooh ha India kawa tip kam ka Tata Sons da khlaad noh u ha ka 9 tarik hei rta wa 86 snem.
Da khlaad u ha ka Hospital wa em ha Mumbai hadien wa li booh oo ha ka 7 tarik.
U Ratan uwa man kam u heh spah wa maya bha ki bru ha India deiwa leh khian u, da man u kam u Chiarman ka Tata Group nadooh u snem 1991 hadooh u snem 2012 deiwa chimkti na u papun u, wei hapoh yong oo ka Tata da ye ko wow sdang kiwa boon ki chnat.
Da pynku u leh yei kamai ka Tata Group na Rs. 10,000 klur ha u snem 1991 cha $ 100.09 Billion ha u snem 2011-12.
Da ye leh wow thied ya ka karkhana pynmih kari wa kynthup ya ka Jaguar wa Landrover ha u snem 2008, da thied leh ya ka Tetley kawa man ka Company pynmih sla cha.
Da ye leh wow thied leh ya ka Corus Group kawa da pynkylla pyrtuid cha ka Tata Steel Europe Ltd.
Ha u snem 2008, ka sorkar India da e ko ya oo da ka Padma Vibushan.
Kiwa sñiawlem ya u Ratan da wan ki nadooh u Narendra Modi, u Rahul Gandhi, u Guatam Adani uwi na ki heh spah ka India deilang wa kiwi kiwi de.
Discussion about this post