Khlaad noh uwa yah thuk-thuk wa tyrrah ya ka Sumo

Uwi u bru wa da tip pyrtuid kam u Enisstone Warjri, da khlaad noh u hachwa wow poi cha Hospital, hadien wa lai tyrrah u da ka thuk-thuk Pulsar ya kawi ka kari Sumo ha surokbah Shillong-Guwahati ha ka thaaiñ Ryndangbriew.

Related posts

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

U Enisstone Warjri toh uwa dang 35 snem i rta wei katkam ka Video wa da poor ha Social Media da yoo wa thiah u ha surok hadien wa lai tyrrah ya ka Sumo kawa em ya u Number ML-10C-9621, wei katkam ka Video ye u man wym toh wa lai tyrrah chynnam u ya ka Sumo, wei da suba wa da kjut syndet u hadooh wym tip yong bru de u wei da lai tyrrah u ya katai ka Sumo.

Ini i ya tyrrah kari da jia i heipor kamwa soo duna haroh ka 11 tarik wei katkam wa khana kiwa yoo yeini wa jia, u Enisstone da yah u ya ka thuk-thuk wa em Number ML-05V-6580 heini i por wa tyrrah u ya ka Sumo nadien.